Lessons of Jesus
Chapter 1: Couldn’t even find time to eat

Previous Chapter: Introduction


கடந்த முறை, கர்த்தர், ஐயாயிரம் குடும்பம் இருந்த ஜனக்கூட்டத்திற்கு சாப்பாடு ஒழுங்கு செய்ய வேண்டும் என்ற பொழுது, சீஷர்களுக்கு உடனே தங்களிடமிருந்த பணம் தான் நியாபகத்திற்கு வந்தது, அதனால் தான் நாங்கள் போய், இருநூறு பணத்துக்கு அப்பங்களை வாங்கி இவர்களுக்குப் புசிக்கும்படி கொடுக்கக்கூடுமோ என்றார்கள்[மாற்கு 6:37], ஆனால் கர்த்தரின் மகிமையை கண்ட பின்பு சீடர்களிடம் மிகப்பெரிய மாற்றம் இருந்தது, அதனால் இந்த முறை நாலாயிரம் குடும்பம் இருந்த ஜனக்கூட்டத்திற்கு சாப்பாடு தேவை என்ற பொழுது, அவர்கள் பணத்தை குறித்து ஒன்றுமே பேசவில்லை, அது பெரிய மாற்றம் தானே! - 1அந்த நாட்களிலே திரளான ஜனங்கள் கூடிவந்திருக்கையில், அவர்கள் சாப்பிடுகிறதற்கு ஒன்றுமில்லாதபோது, இயேசு தம்முடைய சீஷரை அழைத்து: 2ஜனங்களுக்காகப் பரிதபிக்கிறேன், இவர்கள் இப்பொழுது என்னிடத்தில் தங்கியிருந்த மூன்றுநாளாய்ச் சாப்பிட ஒன்றுமில்லாதிருக்கிறார்கள்; 3இவர்களில் சிலர் தூரத்திலிருந்து வந்தவர்களாகையால், நான் இவர்களைப் பட்டினியாய் வீட்டிற்கு அனுப்பிவிட்டால் வழியில் சோர்ந்துபோவார்களே என்றார். 4அதற்கு அவருடைய சீஷர்கள்: இந்த வனாந்தரத்திலே ஒருவன் எங்கேயிருந்து அப்பங்களைக் கொண்டுவந்து இத்தனை பேர்களைத் திருப்தியாக்கக்கூடும் என்றார்கள். 5அதற்கு அவர்: உங்களிடத்தில் எத்தனை அப்பங்கள் உண்டு என்று கேட்டார். அவர்கள்: ஏழு அப்பங்கள் உண்டு என்றார்கள். 6அப்பொழுது அவர் ஜனங்களைத் தரையிலே பந்தியிருக்கக் கட்டளையிட்டு, அந்த ஏழு அப்பங்களையும் எடுத்து, ஸ்தோத்திரம்பண்ணி, பிட்டு, அவர்களுக்குப் பரிமாறும்படி சீஷர்களிடத்தில் கொடுத்தார்; அவர்கள் ஜனங்களுக்குப் பரிமாறினார்கள். 7சில சிறுமீன்களும் அவர்களிடத்தில் இருந்தது; அவர் அவைகளையும் ஆசீர்வதித்து அவர்களுக்குப் பரிமாறும்படி சொன்னார். 8அவர்கள் சாப்பிட்டுத் திருப்தியடைந்தார்கள்; மீதியான துணிக்கைகளை ஏழு கூடை நிறைய எடுத்தார்கள்.  9சாப்பிட்டவர்கள் ஏறக்குறைய நாலாயிரம் பேராயிருந்தார்கள். பின்பு அவர் அவர்களை அனுப்பிவிட்டார் - மாற்கு 8:1-9


மேலும், கர்த்தர் ஐயாயிரம் பேரை போஷித்த பொழுது 12 கூடைகள் நிறைய மீதியான துணிக்கைகளை எடுத்த சீஷர்கள், இந்த முறை 7 கூடைகள் நிறைய மீதியான துணிக்கைகளை மாத்திரமே எடுத்தார்களாம், அப்படியென்றால் 12 சீஷர்களில், 5 பேர் மீதம் ஒன்றும் எடுக்காமல் எல்லாவற்றையும் கொடுத்துவிட்டார்கள் என்று தானே அர்த்தம்.

மீன் பிடிப்போர் முதலாவது செய்யும் காரியம், படவு புறப்படும் முன்பு எல்லா பொருட்களையும் படவில் ஏற்றுவது தான், அப்படி இருக்கும் பொழுது 7 கூடைகளையும் படவில் ஏற்ற மறந்துபோனார்கள் என்பது ஏற்றுக் கொள்ள கூடிய காரியம் அல்ல, வேண்டாம் என்று 7 கூடைகளையும் உதறி விட்டு போனார்கள் என்பதே சரியான மொழிபெயர்ப்பு, மேலும், நம்மில் அநேகருக்கு படவேறின அனுபவம் இருக்க தான் செய்யும், படவேறினவுடன் நாம் முதலாவது பார்ப்பது, கடற்கரையே, அங்கு முதலாவது நம் கண்ணில் படுவது நாம் விட்டு வந்த பொருட்களே!

அப்படியென்றால்  சீஷர்கள் அந்த 7 கூடைகளையும் பார்த்திருப்பார்கள், ஆனாலும் அவர்களுக்குள் ஒரு மாற்றம், ஒரு வெளிப்பாடு, கர்த்தர் நம்மோடு இருக்கும் பொழுது இந்த உலக காரியங்களை தூக்கி கொண்டு அலைய கூடாது என்பதை புரிந்துக் கொண்டார்கள், அந்த 7 கூடைகளையும் தல்மனூத்தாவின் கரையிலேயே விட்டு விட்டார்கள்.

அப்படி சீஷர்கள் தன் உலக காரியங்களை உதறி விட்டு, இயேசு கிறிஸ்து மாத்திரமே போதும் என்று மாறினதை தான் "படவிலே அவர்களிடத்தில் ஒரு அப்பம்மாத்திரம் இருந்தது" என்று வேதாகமம் சொல்லுகிறது, அந்த ஒரு அப்பம் இயேசு கிறிஸ்துவே!

Next Chapter: Mother of Jesus in the Book of John